Mizoram RTPS Act 2015 hmang tangkaitu awm lo

Sawrkar Department hrang hrangin mipuite rawngbawl hna mumal zawk leh tha zawka an thawh theihna tura dan siam, The Mizoram Right to Public Service (RTPS) Act 2015 chu tun thlengin hmang tangkai an la awm lo.

Department of Personnel and Administrative Reforms (DP&AR) hotute sawi danin, sawrkarin mipuite hnena service hrang hrang a pekchhuah thinna tur dan, RTPS Act hi Dec. 1, 2015 atangin hman a ni a, he dan hi kum 9 dawna upa ni tawh mah se mipuiin a takin an la hmang tangkai lo thung a ni. RTPS Act hnuaia service pe thei Department te hi dan in ti tura a tih angin mipui tanpui thei turin an in ruahman vek niin an sawi a, RTPS Act hman dan vil tu Inspecting Officer te'n service pe thei Department hrang hrangte an endikna ah pawh an Office Notice Board-ah te service an pek theih te an tarchhuak vek a, Department lam hi chu a in peih a, mahse mipui lamin hman tangkai nachang an la hre lo niin an sawi.

RTPS Act hi thuamthat zel a ni a, a tirah chuan Service 46 an pechhuak thei a, tunah chuan ti pungin Service 140 pekchhuah theih a ni tawh a, hei pawh hi tihpun zel tum ala ni. He dan hmang hian sawrkarin mipuite hnena service a pekchhuah te chu hun bitiam chhungin a diltu hnenah pek zel tur a ni a, chhan leh vang mumal awm lo a, hun bituk chhunga service an dawn loh chuan dilna hnawl a nih atanga ni 30 chhungin lungawilohna hi thlen tur a ni a, a mawhphurtu saworkar hnathawk chu Rs. 500 atanga Rs. 5000 thleng chawitir theih a ni.