Tunhnaia ruahsur ah khan Serchhip P&E Veng leh IOC Veng inkar kawngpui, Serchhip Addl. SP Quarters bul-a leimin ah kawngchhuat thlanglam chu a bal a, hei vang hian Serchhip Addl. SP chuan mipuite kan lo him tlan zawk nan MV Act 1988 (Act of 1988) Section 115-na leh Mizoram sawrkar in thuneihna a pek angin he kawng-ah hian Two Wheeler/Auto Rickshaw/ LMV chin bak kaltlang phal a ni lo tih thupek a siam a. Hei bakah hian kawng a bal zel loh nan Maxi Cab leh Pick-up bungrua/passenger phur tan pawh kaltlang phal a ni lo tih a tarlang bawk.
He thupek hian chhuah anih May 30, 2024 atanga thla khat (1) chhung a huam anga. Hemi chhunga he kawng hi a chhiat belh zel emaw, siam that hman anih loh emaw chuan a tul dan a zirin he thupek hi pawhsei theih a ni ang.
Comments
Post a Comment