ZPM in thubuai siam turin an buaipui mek tih an sawi

ZPM Legal Department chuan an Party Lok Sabha Candidate Richard Vanlalhmangaiha tihmingchhia a inthlanna-a a tlak theihna atana beitute lakah thubuai siamsak turin an buaipui mek niin an sawi.

Nimin-a Chanchinbumite an kawmna-ah ZPM Legal Department General Secretary Vanlalsiama Pachuau chuan Youtube Channel pakhat neitu ‘Tuesday Nightmare’ inti leh Social Media-a helam sawi chhuaktu ‘David Sailo’ intite lakah thubuai siamsak an tum thu a sawi a. Inthlan vote thlak hma ngei a thubuai siamsak an tum thu a sawi. ZPM hruaitute chuan heng mite pahnih hian kum 2011 leh 2012 bawr vela MAMCO Deputy Manager (Marketing) Lalremthanga leh MAMCO Consultant nia chhal Mustaqur Rahman, Guwahati te’n Contract hna pek chungchanga inbumna case chinfel tawh, hremna pawh pek tawh kaihhnawihah ZPM MP Candidate sawiluh ve talh an tum niin an puh a. “Court in he thubuai hi a chingfel tawh a, a inhnamhnawih te pawh a hrem tawh a. Court in a ngaihtuah ve zingah pawh tel lo ZPM Lok Sabha Candidate tihhmingchhiat tumna liau liau a ni,” an ti.

MAMCO lam intiamkamna lehkha-ah chuan MAMCO Account-a sum lut ngei tur anga tarlan a nih thu leh chumi avang chuan Assistant Manager a nihna angin Richard Vanlalhmangaiha khan a hming a ziak ve ngei tur pawh a nih thu sawiin, “Amaherawhchu, sum luhna erawh MAMCO lam Account-ah ni lovin, Court-in thiamloh a chantir tak Pu Lalremthanga leh Mustaqur Rahman account lamah a lo lut leh dah a ni tih hi ACB te hian an chhuichhuak leh vek a ni,” an ti a. Pawisa vir vel dan zawng zawng chiang zawka hre duh tan chuan Court Judgement leh Order-ah chiang taka tarlan a ni a. Affidavit-a hming sign chung-changah hian Pu Richard Vanlalhmangaiha hi bum tel a ni ve zawk a ni,” an ti bawk.

Comments

Popular News (Last 30 Days)

Vawiin-ah HSSLC Exam result