Volleyball-a Champion lawmna hun buatsaih

Serchhip District Volleyball Association (SDVA) chuan ‘20th MVA Inter-District Volleyball Championship 2024’ neih zawh taka Mipa Team Champion an nih lawmna hun nimin khan an buatsaih.
March 19-22, 2024 chhunga Aizawl a neih ‘20th MVA Inter-District Volleyball Championship 2024’ a Champion lawmna nimin tlai a CMS Picnic Spot, Chawmkai-a neih hi SDVA President K. Tlangthanmawia chuan kaihruaiin he Championship neih zawh taka Mipa leh Hmei-chhe Team enkawltute hnen atangin an inkhelh dan report ngaihthlak a ni a, Serchhip District Sports Committee aiawhte leh SDVA Adviser bakah hruaitu hluite leh sawmbik te hnen atangin thusawi ngaihthlak a ni bawk a, he hunah hian Serchhip District aiawha fehchhuak te hnenah hian Certificate hlan an ni bawk.

Tarlan tawh angin March 19-22, 2024 chhung khan Aizawl-ah ‘20th MVA Inter-District Volleyball Championship 2024’ hi khelh niin he Championship khel tur hian Serchhip District in Mipa leh Hmeichhe Team a tirchhuak a. Mipa Team te hian Final-ah Lunglei District hnehin a tum khatna atan Serchhip District Team chu he inelna ah hian an Champion a. Hmeichhe Team te hian Semi Final-ah Champhai District hneh lovin Final an khel pha ta lo thung a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man