Vawiin hian Lawngtlai-ah MFA Cup 2024 khelh tan a ni dawn

Mizoram Football Association (MFA) in a buatsaih Mizoram District hrang hrang aiawhte Football-a inelna sang ber, MFA Cup 2024 chu Vawiin hian Lawngtlai-ah khelh tan a ni dawn a, Serchhip District aiawh tur FC Serchhip Kawnpui te pawhin Lawngtlai hi an thleng tawh a ni.
MFA Cup vawi 22-na ah hian MFA hnuaia District hrang hranga Champion te theuh an tel dawn a, Team 11 tel tura beisei niin Group hnih ah then an ni anga, Group pakhat-a awm te hi an inhma-chhawn kual hnuah point hmu sang pahnih ve ve ten Semi Final an khel dawn a ni.

Tun tumah hian Group A-ah MFA Cup 2024 thlengtu Lawngtlai FC aiawh MLS FC bakah Hmar Veng FC (Mamit District), Saidan GSA (Kolasib District), Model United FC (Siaha District), Vengthar FC (Khawzawl District) leh FC Serchhip Kawnpui (Serchhip District) te an awm dawn ni. Group B-ah Venglai FC (Lunglei District), FC Bethlehem (Aizawl District), Bethel FC (Champhai District), Venghlun FC (Saitual District) leh Chanmari FC (Hnahthial District) te an awm bawk a ni.

MFA Cup 2024 hi Lawngtlai-a khelmual pahnih ah khelh tura ruahman niin Vawiin hian YLA Ground-ah match thum khelin Vengpui Ground-ah match hnih khelh a ni dawn bawk a, vawiin chawhnu dar 3:00 hian FC Serchhip Kawnpui chuan an match hmasa berah Saidan GSA (Kolasib) an hmachhawn dawn a, naktuk chhun dar 12:30-ah a thlengtu Lawngtlai District aiawha tel MLS FC hmachhawn leh nghalin Inrinni zing dar 10:00-ah Hmar Veng FC (Mamit) leh karleh Thawhtanni chhun dar 12:30-ah Veng-thar FC (Khawzawl District) an hmachhawn ang.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni