Tanpuina semchhuak mek

Tunhnaia thli leh ruah thawk avanga Serchhip District chhunga chenna In chhia te chhawmdawlna leh tanpuina chu SDRF (Response & Relief/recovery & Reconstruction) Fund atangin pekchhuah tan mek a ni a, sawrkar in inkaihhruaina a neih angin In chhe vek, a bul atanga sak that ngai ang chu Rs. 1,30,000 thlenga tanpuina pek theih niin an vanduaina an tawh dan a zirin tanpuina pekchhuah zat hi a inang lo a, tanpuina sum hi Cheque hmangin pekchhuah a ni. Serchhip DC Office-a DM&R hotute chuan thli avanga In chung (Rangva) chhia chu thuneitute hnenah thlen a nih thu pawh sawiin, Rangva la pek leh tura beisei an nih thu an sawi bawk.