Police in Zu siamna tichhia

Serchhip District Executive Force, Serchhip Police Station-a Duty te chuan nimin khan Serchhip daihnai-a awm Bukpui luidung-ah Zu siamna hmun dapchhuah hna thawkin Zu siamna hmun engemaw zat hmuhchhuah a ni a, heng hmuna Zu bilhlai litre 360 vel zet tihchhiat niin heng an tihchhiat te hi tualchhung-a hralhna rate anga chhutin cheng nuai hnih dawn man ni chhut a ni. Kan hma lawkah Lok Sabha Inthlanpui neih a nih dawn avangin Inthlanna muanawm leh felfai a awm theihna turin Police te hian zu leh ruihhlo bakah dan phalloh thil dapchhuah hna ngawrh takin an thawk mek a ni.

Hetihlai hian Thenzawl Joint YMA hnuaia Ruihhlo Do Squad te chuan niminpiah tlai khan PTS Thenzawl Main Gate bul lawka chenna In pakhat atangin Rakzu litre 240 leh a neitu a puh, Zosangpuia, Thenzawl Bazar Veng nia insawi chu an man a, Zu hi leihbuak niin a neitu a puh hi Serchhip-a Excise & Narcotics Department te kutah hlan nghal a ni. Hei bakah hian Ruihhlo Do Squad hian Thenzawl Vengthar-ah Rakzu thuhruk litre 480 zet an man bawk a, heng te hi a neitu hriat an nih loh avangin an leihbaw nghal bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man