LADC zahawmna atan MNF in hma la mek tih sawi

MNF Adviser leh Hachhek Bialtu MLA Robert Romawia Royte chuan LADC sawrkar suspend ngaia a awm chu pawi a tih thu sawiin, Lai hnam leh LADC zahawm nan MNF Party chuan hma ala mek tih a sawi.

MNF District Hqrs. Office, Lawngtlai-a Party Chhung inkhawm niminpiah a neih ah thu sawiin Robert Romawia Royte chuan LADC-ah sawrkar nghet tak a din leh thuai theihnan MNF chuan Plan C thlengin a nei tih a sawi a, MDC 24 awm mekna ah MNF in MDC 19 nei mahse MDC te thawhho theihloh avangin LADC sawrkar suspend a ni tih sawiin, MNF General Hqrs. chuan MNF MDC zawng zawngte zaikhata luang turin a duhin a beisei a, chu chu Lairam mipuiin MDC te an vote tlin chhan pawh a ni, a ti a, Lai hnam leh LADC zahawm nan MNF Party chuan hma ala mek a, mipui rintlak sawrkar tha a pian thuai beisei a nih thu a sawi bawk.

Hetihlai hian Lawngtlai District Students' Association chuan LADC Sawrkar CEM V. Zirsanga'n CEM atanga a ban hma deuh lawk ah Sawrkar in hna thar 19 lai a la tih Governor hnen ah niminpiah khan thlenin, heng hna thar lakte hi sut turin Governor an ngen bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni