Hospital cheithat tur sawiho

/

World Bank sum hmanga Lawngtlai District Hospital chei leh siamthatna tur chungchang ah nimin khan mi pawimawh te chu Lawngtlai CMO Conference Hall-ah an thukhawm a. He hunah hian Health Department-a Sr. Executive Engineer, Malsawmdawngliani chuan he hna kalpui dan tur tlangpui sawiin, he hnathawk tur hian MW Venture, Chhinga Veng Aizawl chu thlan an ni tih a sawi a. Hospital Building chung atanga tui put tihreh te, mitthi dahna In sak te, OPD chhuat siamthat te, inthiarna leh thli luanna siamthat te, Hospital pumpui rawng hnawih leh CCTV vuah te chu hna langsar zual niin, hna dang thawh tur thahnem tak a awm bawk a ni. Lawngtlai District Hospital cheithat leh siamthat nan hian Rs. 198,21,685/- ruahman a ni a, thla 12 chhunga zawh hman tura tih a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »