EVM hman tur thliar felin PRO leh APRO ten training an nei
Lok Sabha Inthlanpui neih tur atana hman tur EVM thliarfel tum hnihna, 2nd Randomization hi nimin chawhma dar 10:00 khan Returning Officer leh Aizawl DC Nazuk Kumar hovin neih a ni a, he hun hi District hrang hrang atanga lo zawm niin Serchhip-ah pawh DC Office-a NIC Video Conference Room atangin District Election Officer David Lalthantluanga leh Sr. Micro Observer Robert Zosangliana bakah Officials te leh Political Party aiawhte chuan an lo zawm a. He hunah hian 1st Randomization-a Assembly Bial hrang hranga hman tur lo thlanchhuah tawh te chu a hmanna tur Polling Station te chu khawl hmanga thliarfel a ni a, hemi hnu hian Political Party aiawhte hriatpuina in heng te hi chhinchhiah nghal vek niin thlaveng-a dah turte pawh tihfel a ni bawk.
.jpeg)
Hetianga EVM te a hmanna tur tihfel leh chhinchhiah fel a nih hnu hian EVM te hman theih tura siamfel hna chu Vawiin hian thawh nghal a ni dawn a, EVM siamtu Company lama mithiam te pawh nimin tlai khan Serchhip rawn thleng hman tura beisei niin EVM hi hman theih tura siamfelin Candidate leh an Symbol te pawh dahluh a ni anga, venhimna hnuaiah dah zui leh nghal a ni ang.
Lok Sabha Inthlanpui neih tur atana in-buatsaihna kal mekah hian nimin atang khan Vote thlak ni-a Duty tur, Polling Party te tana Training thawh hnihna chu Govt. Serchhip College-ah neih tan a ni bawk a, nimin khan PRO leh APRO te tan Training hi neih niin District leh Assembly Level-a Master Trainers Gaston Vanlalhriatpuia, Rebecca Laldinmawii Hrahsel, Dr. Marilyn Lalruatkimi, Dr. C. Vanlalchhanhimi, Dr. Zarzo-sanga, Lalbeiseisanga, Vanlalsanga leh Malsawm-tluanga ten an mawhphurhna leh hnathawh dan tur hrang hrangte an zirtir a ni.
Comments
Post a Comment