East Lungdar-ah Pavalai Pawl Intawhkhawmna nei tan

Naktuk Pathianni zan thleng awh tur Presbyterian Kohhran hnuaia Rampum huap Pavalai Pawl Intawhkhawmna chu nizan khan East Lungdar khua ah neih tan a ni.
Rampum huap Pavalai Pawl Intawhkhawmna vawi 6-na neihna tur hian East Lungdar-ah Pandal sak niin hei hi thli tleh in a tihchhiat hnuah sak that leh niin nizan hmasa khan Pandal hlanna Inkhawm chu neih a ni a, nimin khan Mizoram hmun hrang hrang atangin Palai ten East Lungdar hi an pankhawm bawk a ni.

Tun tuma Rampum huap Pavalai Intawh-khawmna-ah hian thupui atan ‘A chhe lai siamthatu’ tih chu hman niin Speaker atan Synod Senior Executive Secretary Rev. C. Zorammawia chu hman a ni a, nizan khan Pathian Biak Inkhawm neih nghal niin Mizoram Synod Moderator Rev. R. Vanlalnghaka hnen atangin Pathian thuchah ngaihthlak a ni. Vawiin chawhma lam hian Pathian Biak In-khawm neiin chawhnu lamah Zaikhawmpui neih a ni anga, zanin atanga naktuk Pathianni zan thleng hian Pathian Biak Inkhawm neih thin tur niin naktuk atangin Speaker hnen atangin thuchah ngaihthlak a ni bawk ang

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result