BJP Candidate in Party nihna theihnghilh a Central-a sawrkar tur BJP Vote a pawimawh niin a sawi

BJP Mizoram State President leh Mizoram Lok Sabha MP Inthlanpui-a an Party candidate Vanlalhmuaka chuan Party nihna theihnghilha Central a sawrkar ngei tur BJP kan vote a pawimawh thu sawiin, “Mipuiin BJP an thlangtling a nih chuan Mizoramin kan mamawh hrang hrang sum leh pai bakah hmasawnna kan nei thei dawn a ni,” a ti.

Lok Sabha Inthlanpui neih tura BJP Candidate Vanlalhmuaka hian Mamit District chhunga khaw hrang hrangah Campaign nei mekin nimin khan Zamuang khua ah Public Meeting a neih bakah Mamit-ah thuthar thehdarhtute a kawm bawk a, BJP President ni bawk Vanlalhmuaka chuan Mizoram in MP thusawi thei ringawt nilo, thil ti thei kan neih ve tawh a ngai tih sawiin, Mizoram a Sawrkarna chelh mek ZPM Sawrkar a Minister ten Central a Mizoram mamawh an thlen hunah leh puih an ngaih huna pui tur, Bible-a Josepha dinhmun ang kha BJP MP Candidate in a a hna tur leh a dinhmun tur anih thu a sawi a, “Mizoram-ah eitur a awm theih nana Aigupta buhzem bula thu tur ka ni dawn a ni,” tiin, Mizoram in he hun tha hi kan bawh pelh lohna turin Party Politics dahtha a BJP MP Candidate a nih anga Mizoram tana Vote theuh turin mipuite khawngaihna a dil a ni.

BJP President Vanlalhmuaka chuan Zamuang khuaa Public Meeting-a kalkhawm mipuite chu Gas Free Connection leh Mirethei Insak tanpuina an dawn leh dawn loh te zawtin, Mizoram-ah BJP MP kan neih chuan hetiang hamthatna zawng zawng hi an dawn vek dawn bakah. Loneitute kum 60 an tlin hnua Pension an pek tur thu leh Hachhek tlangdung-ah Rural Bank hawn ngei a ni dawn thu a sawi a, Hachhek tlangdung a mite Account hawnsak vek a tum thu a sawi bawk.

BJP Candidate tana Campaign Dr. K. Beichua MLA leh Election Management Committee Chairman chuan BJP Official Candidate Vanlalhmuaka chu thlantlin a nih chuan Mizoram MP satliah ni lovin Central Minister a ni dawn tih a sawi a, “Mizoram in BJP MP kan nei a nih chuan thil diltu ni tawh lovin a petu kan nei tawh zawk dawn a, Mizorama sawrkar mekte 'n an mamawh an thlen a, Central atanga pe theitu tur a ni dawn a, chu chu Mizoram mipuite hian kan hriat a kan hman tangkai thiam a ngai hle a ni,” a ti a, Prime Minister Modi-a kaihhruai sawrkar in Hmarchhak State te a ngaih pawimawh thu a sawi bawk.