NIPF leh ZORO ten a tawp thlengin do an tum

Nagaland Indigenous People Forum (NIPF) leh Zo Re-Unification Organization (ZORO) te chuan India sawrkarin Free Movement Regime (FMR) leh Border Fencing tih an tum chungchangah a tawp thleng do an tum thu Inrinni khan thuthar thehdarhtute hnenah an sawi a. Pawl pahnih te chuan FMR hi tihtawp a nih a, Border Fencing an tih bawk chuan India, Burma, Banglades leh Naga India leh Burma a cheng Zo hnahthlak (Chin-Kuki-Mizo) te chu thenhranin an awm dawn nia sawiin, hei hi an duh lo tak zet tih an sawi a. Heng te bakah hian Forest Conservation Act (FCA) 2003 chu hman a nih chuan nitin nunphung a buai vek dawn nia sawiin, hemi huamchhunga ram leh ramhnuai eizawnna nana hmang te tan harsatna nasa tak a thleng thei tih an sawi a. The Citizen Amemdment Act (CAA) chu FMR leh Border fencing te nena inkaihhnawih tlat a nih thu pawh an sawi bawk.