NCST Member atan Nirupam Chakma ruat a ni

Mizoram sawrkar-a Minister hlui leh BJP Mizoram-a hruaitute zinga mi Nirupam Chakma chu National Commission for Scheduled Tribes Member atan President Droupadi Murmu chuan a ruat.

National Commission for Scheduled Tribes Member atana Nirupam Chakma ruatna thupek hi Inrinni khan President chuan a tichhuak a. Chakma hnam zinga ram pum huapa hetiang dinhmun sang chelh hmasa ber a la ni. Nirupam Chakma hian Chakma Autonomous District Council-ah nihna pawimawh tak tak lo chelh tawh thin a, Chawngte Assembly bial, tuna Tuichawng bial ni ta-ah hian tum 5 MLA atana thlantlin a ni a, Minister nihna kum 10 chhung zet a chelh bawk a, Mizoram Chakma hnam zinga Minister hmasa ber a ni. Kum 2015 khan Congress party chhuahsanin BJP a zawm a, kum 2020 atang khan BJP National Council Member atan ruat a ni a. Tunah hian Chakma National Council of India (CNCI) President a ni mek bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar