MNF Candidate-ah K. Vanlalvena ruat a ni

Mizo National Front (MNF) Party chuan Lok Sabha inthlanpui lo awm turah Rajya Sabha MP nilai K. Vanlalvena chu an Party Candidate tur a nih thu an puang.

MNF party hian nimin khan Aizawl Mizo Hnam Run-ah MP Candidate puanna inkhawm neiin an party President Zoramthanga chuan an Candidate tur hi puangin,“Kan Lok Sabha MP Candidate hi Rajya Sabha MP ni lai, Mizoram mipui aiawhtu leh thil tha tam tak titu a ni,” a ti.

He hunah hian MNF Candidate ni tura puan K. Vanlalvena chuan MP Candidate atana ruat a ni chu lawmawm a tih thu sawiin, “Inthlan Campaign nan sum leh pai ka nei lo. Pi leh pu atangin belhfakawm chhuan tur ka nei lo. Mipuite khawngaih beiseiin Pathian leh kan ram tan ka rawn penchhuak dawn a ni,” a ti.

K. Vanlalvena hi January 14, 1970 khan Serchhip District-a North Mualcheng khua ah a piang a, Zirlai a nih lai atangin Zirlai Pawl-ah inhmangin MZP General Hqrs. ah President hna te pawh a lo chelh tawh thin a, kum 2002 khan MNF party-ah inhmang tanin chanvo hrang hrang a chelh tawh a, kum 2020 June thla khan Mizoram in Rajya Sabha-a Seat a neihchhun luah turin thlantlin a ni a, he hna hi tun thlengin a chelh mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man