Mizoram Police in CEIR hmang tangkai turin chah

Mizoram Police te chuan Central Equipment Identity Registry (CEIR) hmang tangkai turin mipuite an chah.

Hemi chungchanga thuchhuah an siamah Mizoram Police te chuan Mobile Phone ruk leh TV hralhchhawn hluar zel tur venna atan te, mipuite himna tur leh Dan kengkawhtu te tana awlsam zawkna tur in Department of Telecommunication,Govt. of India chuan IMEI Data hmanga phone chhuina, Central Equipment Identity Registry (CEIR) dinin, Mizoram-ah pawh hman theih tura ruahman a lo ni ta tih an tarlang a. CEIR hi Network Operator hrang hrangte data khaikhawmtu niin Network pakhatin a blacklist tawh chuan Network dang Sim Card vuah mahse, IMEI hmangin hman theihloh a siam (block) leh chhui (track) theihna a ni tih an tarlang a. “Misual in kan phone an lo ru emaw, kan lo ti bo emaw anih chuan block tur in ceir.gov.in ah kan ngen thei a,Police Station-ah poh CEIR hmanga block turin kan report thei bawk a ni,” tiin hemi hnu hian heng phone bo hi hman tum an awm nih chuan CEIR hmang hian Police ten a phone awmna nen an chhuichhuak thei (location Tracking) tih an tarlang a ni.