Minister pathum te demand House-ah pawm a ni

Mizoram Legislative Assembly Budget Session nimin-a neih ah Minister pathum te Department enkawlna tura sum ruahman chu sawiho a nih hnuah pawm a ni.

Nimin-a Minister pathum ten sawrkar kumthar a an Department chanpual enkawlna tura sum ruahman an pawm tak te hi C. Lalsawivunga enkawl Local Administration-ah Rs. 2,08,31,40,000; Art & Culture-ah Rs. 14,59,20,000; District Council & Minority Affairs-ah Rs. 6,12,17,14,000 leh AH & Vety-ah Rs. 70,10,78,000; a vaiin Rs. 9,05,18,52,000 te; PC. Vanlalruata enkawl Agriculture-ah Rs. 2,03,17,96,000; Co-operation-ah Rs. 15,16,74,000 leh Irrigation & Water Resources-ah Rs. 1,03,18,23,000; a vaiin Rs. 3,21,52,93,000 leh Lalrinpuii enkawl Health & Family Welfare-ah Rs. 8,39,53,60,000; Social Welfare-ah Rs. 2,47,68,05,000 leh Tourism-ah Rs. 13,92,80,000; a vaiin Rs. 11,01,14,45,000 te a ni.
Nimin-a Minister te demand sawihona hunah hian Member ten an ngaih pawimawh hrang hrangte an tarlang a. Vawiin hian Session hi chhunzawm leh tura ruahman niin hun hmasa lam darkar khat chhung chu zawhna leh chhanna hun atan hman leh a ni dawn a. Vawiin hi Zirtawpni a nih avangin Minister te demand sawiho a ni dawn lo a, Private Member Resolution sawihona hun atana hman thin a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man