Kuhva chingtu ten sawrkar ngen

Zamuang Arecanut Grower’s Co-Operative Society Ltd. (ZAGCOS) chuan an khaw eizawnna pui ber chu Kuhva huan siam a nih thu sawiin, tlangram lo neih an bansan tawh thu leh khuva huan siama eizawng chhungkaw 300 vel an awm tih an sawi a, kum 2023 chhunga Zamuang kuhva chingtute Kuhva hralh zat an lakkhawm chu cheng nuai 675.4 a ni tih an sawi bawk. ZAGCOS chuan an kuhva leitute chu Assam ram chhungah harsatna siam sak an ni thin nia sawiin, kuhva chingtuten nasa takin an tuar a, an kuhva pawh duh angin an hralh to thei lo niin an sawi a. Kumin hian tuna Kuhva an hralh dan aia tha leh hlawk zawk ngaihtuah sak a, a kalkawnga harsatna awm thei te chinfel sak turin thuneitute ngenin, Sawrkarin leitha subsidy-a an lei ve theih nan hma lak sak se an duh tih an sawi bawk.