Pollution Testing Vehicle hlan

Aizawl Smart City Limited (ASCL) hma-lakna hnuaiah motor khu endikna lirthei, Mobile Pollution Testing Vehicles lei thar panga (5) chu mipuite hman theih turin nimin khan Urban Development & Poverty Alleviation Department changtu Secretary Lalmalsawma Pachuau chuan Mizoram Pollution Control Board (MPCB) hnenah a hlan. He ruahmanna hi Smart Cities Mission hnuaia hmalakna niin motor khu endikna lirthei panga man hi cheng nuai 55 a ni a, a enkawl zui hna leh a hman dan tur chu MPCB kutah a awm dawn a ni. Heng pollution test-na lirthei te hi Aizawl khawpuiin a mamawh em em a ni tih sawrkar thuchhuah chuan a tarlang a ni.