Inthlanpui atan inbuatsaih

India ram Lok Sabha Inthlanpui neih hun tur puan la ni lo mah se Inthlanpui nei turin Serchhip District-ah pawh inbuatsaihna ngawrh taka kalpui mek zel a ni a. Serchhip District chhunga Flying Squad leh Accounting Team te tan nimin khan Serchhip DC Conference Hall-ah training neih a ni a, he hunah hian inthlanpui muanawm taka neih a nih theihna tura dan lova sum leh pai chelek leh mipui ten zalen taka Vote an thlakna tur tihbuai nana sum leh pai hman a awm lohna tura hmalak dan tur hrang hrangte zirho a ni. Kumin a Lok Sabha Inthlanpui neih tur atan hian mawhphurhna hrang hrang siam mek niin heng te tan hian training hi neih chhoh mek a ni.