House-ah Minister te demand sawiho tan a ni

Mizoram Legislative Assembly Budget Session neih mekah nimin atang khan Minister hrang hrang te Department chanpual enkawlna tura sum ruahman chu sawiho tan a ni.

Mizoram Legislative Assembly pakuana Budget Session hmasa ber neih mekah hian nimin khan Minister pathum, Vanlalhlana, F. Rodingliana leh Prof. Lalnilawma te Department enkawl hrang hrang ten sawrkar kum lo thar tura sum an mamawh te chu sawiho a pawm ni a. Cabinet Minister Vanlalhlana Department enkawl te tana sum ruahman te hi Parliamentary Affairs-ah Rs. 1,03,70,000/-; Transport Department-ah Rs. 44,73,93,000/- leh Public Works Department-ah Rs. 732,71,22,000/-; a vaiin cheng vbc. 778,48,85,000/- a ni a. Minister of State F. Rodingliana Department enkawl te tana sum ruahman hi Printing and Stationery-ah Rs. 13,19,72,000/-; Power and Electricity Department-ah Rs. 943,51,96,000/- leh Commerce and Industries Department-ah Rs. 60,44,11,000/-; a vaiin Rs. 1017,15,79,000/- a ni.

Minister of State Prof. Lalnilawma enkawl Department te tana sum ruahman hi Public Health Engineering-ah Rs. 287,60,16,000/-; Horticulture Department-ah Rs. 122,83,85,000 leh Rural Development Department-ah Rs. 456,51,65,000/-; a vaiin Rs. 866,95,66,000/- a ni a. Heng Minister te tana sum ruahman sawihona ah hian Member ten an ngaih pawimawh hrang hrangte an tarlang bawk a ni.

Vawiin-a thutkhawm chhunzawm turah dan pangngai angin hun hmasa darkar khat chhung chu zawhna leh chhanna hun atan hman leh a ni anga, hemi hnu hian Minister pathum- C. Lalsawivung, PC. Vanlalruata leh Lalrinpuii te Department chanpual enkawlna tura sum ruahman chu sawiho a pawm leh tum a ni dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar