Global Youth Day hmang

Seventh-day thalai, Adventist Youth Federation (AYF) chuan Inrinni kalta khan Global Youth Day hmangin Serchhip-ah pawh he ni pual hian thisen Unit 35 pek a ni.

Kumtin March thla Sabbath ni vawi thumna a hman thin Global Youth Day pual hian Serchhip-ah chuan AYF Serchhip Circle te chuan Serchhip Blood Bank-ah damlo a mamawh apiang te hman turin thisen Unit 35 an pe a, thisen petute hi mipa 20 leh hmeichhia 15 an ni.

Kumin a Global Youth Day-ah hian thupui atan ‘Show up in the Cities’ tih thu hman a ni a, Blood Bank-a thisen an pek bakah hian AYF te hian Serchhip damdawi In-a damlo awm te hnenah thilpek an sem a, mikpuite hnena hriselna kawnga hriat tur pawimawh inziakna lehkha te semin zan lamah thalaite hian intihhlimna neiin hun an hmang bawk a ni. Seventh-day Adventist Serchhip Circle-ah hian Kohhran 11 an awm mek a ni.