Tripura-a zin Mizoram Journslist ten Mizoram an rawn thleng leh ta

India rama Rubber tharchhuak hnem ber dawttu Tripura tlawha zin Mizoram-a Journalist mi 15 te chuan Aizawl an rawn thleng leh ta a, Tripura-a an cham chhung hian hmun pawimawh hrang hrang an tlawh nghal bawk a ni.
Mizoram sawrkar Information & Public Relation Department bultumin Mizoram-a Journalist mi 15 leh anmahni hruaitu I&PR Officer te hian kar kalta Thawhtanni khan Aizawl chhuahsanin Tripura hi an pan a, Tripura-ah hian Rubber chinna hmun tlawhin Tripura-ah hian kum 1963 atangin Rubber hi an ching tan tawh a, Rubber hi sum chang thlai an chin pawimawh ber niin, ramchhung ah Kerala tih lo ah chuan Tripura hi Rubber tharchhuak hnem ber leh ching tam ber an ni bawk. State sawrkar hnuaiah Tripura Forest Development Plantation Corporation Ltd. (TFDPC) leh Tripura Rehabilitation Plantation Corporation Ltd. (TRPC) enkawlna hnuaiah Rubber chin leh sawngbawlna hi kalpui niin Tripura State pumah ram hectare 85453.63-a zau ah chin a ni a, chhungkaw 1,00,000 chuangin Rubber hi chingin eizawn nan an hmang a ni. Tripura-a Rubber chinna hmun tlawha zin MJA Member te hian kar kalta Nilaini khan Bodhjungnagar-a Industry hmun-a Rubber sawngbawlna hmun an tlawh a ni. Rubber kung hi chin/phun atanga kum 7-na velah a hnai theih a, kum 40 chhung vel hnai theih niin hnai a lak theihloh hnuah a kung te hi Furniture atan hman zui a ni thin a ni.

Tripura-a zin Mizoram Journalist te hian Tripura-a an cham chhung hian Indo-Bangladesh Border-a Integrated Check Post te, Tripura State Capital Agartala bul Charipara-a International Railway Station te, Tripura State Meuseum bakah Bodhjungnagar-a Industry hmunte tlawhin, he hunah hian Mau (Bamboo) sawngbawlna hmun an tlawh bawk a. Agartala Press Club pawh tlawhin Journalist Association te nen hun an hmang ho a, thawhdunna tur pawimawh hrang hrangte an sawiho a, Tripura Information & Cultural Affairs Department te nen hun an hmang ho bawk a ni.

Hei bakah hian Tripura-a an cham chhung hian MJA member te leh Agartala-a Mizo awm ten inkawmna an nei bawk a, Agartala-a Mizo awmte hnen atang hian Agartala-a zirna lian tak takah Mizo ten quota an neih thute, heng zirna bawhzui tura Lirthei ringawta kal chu thil awlsam a niloh avangin Mizoram atanga Agartala thleng thlawhna (Direct Flight) Service a awm theih nana hmalak ho a tul thu te an sawi bawk a ni.

Tarlan tawh angin tun tuma Press Tour-ah hian Aizawl atangin Journalist 8 leh District dang atangin mi 7, an vaiin mi 15 kalin I&PR Department atangin I&PR Officer in an kaihruai a, Serchhip District atang pawhin RL. Hlupuia (Lalro Digital) chu tun tumah hian a kal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar