Chhiahtlang nu pakhat In chim delh vangin a boral

Chhiahtlang Kawn Veng-a cheng V. Laldinpuii (61) chu nimin khan Chhiahtlang Kawn Veng a In pakhat bang pinna chim in a delh a, hliam tuarin Aizawl panpui a nih laiin a boral a, vawiin hian vuiliam a ni ang.
Chhiahtlang atanga thudawn danin nimin khan V. Laldinpuii hian Chhiahtlang Kawn Veng-a an chhungte, V. Lalbiakdika te Sawh-thing chi siam chu puiin V. Lalbiakdika te leh an thenawma C. Lalrinsanga (L) te inrina bulah Sawh-thing chi hi an siam a, C. Lalrinsanga (L) te In hi NH. 54 laihzauh hna thawh mekah an ram lak sak a nih avangin nikum lam khan a then thiatin an thiah bak chu In chak hlui a pingin an luah zui lo a. Nimin-a Sawhthing chi an siam lai hian C. Lal-rinsanga (L) te In pinna hi rawn chim thutin a hnuaia awm V. Laldinpuii hi a delh ta nia thudawn a ni.

Vanduaina tawk V. Laldinpuii Serchhip damdawi In panpui a nih hnuah a nak ruh pathum tliakin a kawng ruh a delh na bawk a, hei vang hian Aizawl panpui tura tiin Aizawl an panpui laiin Chhiahtlang leh Chhingchhip inkar ah nimin chawhnu dar 2:00 vel khan a boral zui ta a ni.