ACB-a FIR bawhzui zel rel

Kolasib District MJA chuan National Highway kawngpui laih tura zangnadawmna pek-chhuah dana thil fello awm nia an hriat chhui chiang tura Anti-Corruption Bureau (ACB)-a ngenna an thehluha hmalakna kal zelah an thil hmuhte ACB kut-a hlan tura inbuatsaih an rel. Kolasib District MJA te hian National Highway Four lane kawngpui laih turah ram a tihchhiat tur zangna-dawmna pekchhuah chungchang ah thil fello awma an hriat avangin nikum khan ram lak turte hi a hmun ah kalin zirchianna an lo nei tawh a, heta an thil hmuh zirchhianna an neihna atangin zangna-dawmna pekchuah dan ah thil fello a awm ngei nia an hriat vangin ACB-ah FIR an thehlut a. ACB hian thu tlingah ngaiin MJA te FIR thehluh ah hian hma an la dawn a, hemi atan hian nimin khan Kolasib District MJA chuan Press Club ah inbuatsaihna neiin, thil fello awm ngei a an thil hmuh te chu ACB kut-ah hian hlan turin buat-saih nise an ti a ni.