ZMC chungchang sawipui

Chief Minister Lalduhoma chuan Inrinni khan Union Minister of Health & Family Welfare, Dr. Mansukh Mandaviya chu New Delhi-ah hmuin Zoram Medical College (ZMC) chungchang a sawipui a. Chief Minister chuan ZMC chu Final Inspection a hnai tawh tih sawiin, a hma atang tawhin a tehnaah a tling hlei thei thin lo tih a sawi a. Hei vang hian Chief Minister hian Mizoram chu ram kilkhawr leh mihring tlemna a nih avanga a endikna danah ngaihhnathiamna thenkhat pek dilin Union Health Minister chuan a lo remtih sak a. ZMC tana Special Package chungchang pawh sawipuiin, Model Code of Conduct puan hmaa pekchhuah hman tum a ni tih sawrkar thuchhuah chuan a tarlang a. ZMC tan hian Union Minister hian Meeting a ko nghal vat dawn a, Mizoram sawrkar aiawha kal tur pawh ruat fel nghal a ni tih a tarlang bawk.