A thlawn-in Lung en sak

Health Minister Lalrinpuii hmalakna in Mizoram Sawrkar leh Chennai-a Sri Ramachandra Institute of Higher Education and Research, Sastra University Sri Shankara Heart Foundation te chuan Zirtawpni leh Inrinni kalta khan ZMC, State Referral Hospital Falkawn-ah Superspecility Cardiac Camp buatsaihin Lung tha lo te enfiah hna thawh a ni a, a ni khatna ah mi 217 leh a ni hnihna ah mi 83, an vaiin mi 300 enfiah niin heng atang hian zai hmasak ngai zual mi 50 thlanchhuah an ni dawn a ni. Heng mite hi Sri Ramachandra Medical Institute of Higher Education and Research, Chennai-ah a thlawnin enkawl chhunzawm tur niin damlo bakah anmahni hruaitu mi pakhat chu a thlawna enkawlna pek an ni dawn a ni.