Zangnadawmna pek loh vangin ram neitute an lungawilo

Seling atanga Champhai panna kawng, National Highway-6 Package-III (Tuisenphai leh Tuipui inkar) huamchhunga ram neitute chu tunhnai khan inhmukhawmin, he kawng laihin an ram a tichhe tawh chunga tun thlenga zangnadawmna engmah an la hmu lo chu an rilru a nat thu an sawi a. An chanvo dik tak, an sum dawn tur an dawn ngei theihna turin thuneitute chu an phut tlat tih sawiin, Compensation sum an dawn chhan leh an ram tihchhiatnaa mawhphurtu zawng chhuak a, hremna pe ngei tura thuneitute an phut thu an sawi a, an thilphut hi a hlawhtlin hma chuan kawngpui dan chah thlengin hma an la dawn tih an sawi a ni.