MPSC in Civil Service Interview result a tichhuak

Mizoram Public Service Commission (MPSC) chuan Mizoram Civil Service (Combined Competitive Examinations) 2023 result chu nimin khan a tichhuak ta.
Nimin tlai-a MPSC in Mizoram Civil Service (Combined Competitive Examinations) 2023 result a tihchhuah ah hian General (Unreserved)-ah mi 30 tlingin Reserved (for PwBD)-ah mi 3 an tling bawk a, General (Unreserved)-ah Mizoram Civil Service (MCS) Junior Grade-ah mi 9 tlingin Mizoram Police Service (MPS) Junior Grade-ah mi 8, Mizoram Finance & Accounts Service (MF&AS) Junior Grade-ah mi 9 leh Mizoram Information Service (MIS) Junior Grade-ah mi 4 an tling a ni. Heng bakah hian Persons with Benchmark Disabilities (PwBD) te tana Seat hauh sak hnuaiah MCS, MF&AS leh MIS-ah mi pakhat theuh an tling bawk a ni.

Tun tuma Mizoram Civil Service (Combined Competitive Examinations) 2023-ah hian Serchhip District atangin mi pathum te chu Interview hmachhawn turin tling mahse Interview paltlang erawh an awm rih lo a, Mizoram Information Service (MIS)-ah mi pakhat erawh Panel List-ah a awm thung a ni.