Vidyanjali Scheme kalhmang zirhona neih a ni

Nimin khan School Education Minister Dr. Vanlalthlana hovin Aizawl-a School Education Directorate Conference Hall-ah Vidyanjali Scheme kalhmang zirhona neih a ni.

Vidyanjali hi Ministry hnuaia Samagra Shiksha hmalakna pakhat a ni a, School-a thawk ni lo ten pawn lam atanga School an puihna tura duan a ni a. Nimin-a hemi chungchang zirhona hunah hian School Education Minister Dr. Vanlalthlana chuan zirna School atana mipui chettirna tur, Vidyanjali Scheme a awm chu tha a tih thu a sawi a, amah ngei pawhin a bial chhunga School-te tana tanpuina a pek dan te leh Vengchhung mipuite chetdan a sawi a. Vidyanjali Scheme hnuaiah hian mipuiten tha an thawh theih dan inhrilhhriat a, he Scheme hi a hlutna leh pawimawhna kan hriat tlan ngai a tih thu a sawi a. School tana mahni remchan dan ang anga tha thawh emaw, tanpuina pete chu lawmthu sawi nan ngaihhlutna Certificate pek te pawh tha a tih thu a sawi.

School Education Secretary Dr. Lalzirmawia Chhangte pawhin mipuiin neitu nihna thinlung an put leh tha an thawh chu central sawrkar hian a duh thu leh tunhmain khawtlangin School an din a, building an sa a, zirtirtu an ruai tih sawiin, “Neitu an ni hliah hliah a, tunah pawh hian mipuiin mahni theihna ang anga tha leh bungrua kan pek zel theih chuan mipuiin zirna hi an ta neih leh zual anga, zirna in a thatpui dawn a ni” a ti. 

Nimin-a he zirhona hun hi Pu Lalhmachhuana SPD Samagra Shiksha-a SPD Lalhmachhuana chuan kaihruaiin Zionparlawma, Deputy SPD, Samagra Shiksha chuan Vidhyanjali awmzia leh kalpui dan a sawifiah a. Tun dinhmunah Vidhyanjali hnuaiah hian Govt. leh Aided School 2855 awmah 2678 an inziaklut tawh a, zaa 93.80 an tling a, School tanpui tura inziaklut 759 an awm tawh a, bungrua chi hrang 917 pek a ni tawh a, tha thawh pawh 255 a awm tawh tih a sawi a. Vidhyanjali hmang hian tha leh bungrua eng pawh School tana tangkai tur hmangin tanpuina pek theih a ni a, sum-a pek erawh chu a huam lo thung a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar