Transport Minister in hmanpui

Mizoram Transport Workers' Association (MTWA) General Assembly Vawi 34-na chu nimin khan Aizawl-a Transport Department Joint Director (OP) Conference Hall-ah neih a ni a, he hun hi Transport Minister Vanlalhlana chuan hmanpuiin Transport Department chu mi hausa leh rethei, thalai deuh atanga kum upa zawkte thlenga an dawr thin, mipui huapzo Department an nih angin Sawrkar hmingthat leh hmingchhiat ah pawh mawhphurtu pawimawh tak an nei tih a sawi a. District pathum Khawzawl, Saitual leh Hnahthial-ah te hun reilote-ah DTO Office hawn theih a beisei thu sawiin, thawktute chu tunlai khawvel thiamna hmang tangkai zel turin a chah bawk. He hun hi Transport Department Director Er. R. Lalrammawia pawhin hmanpuiin mipuite tana a awlsam zawk nan thawktute chu Online Services pe tam turin a chah bawk a ni.