Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Session neih dan tur duang

Tun thla ni 19 atanga Mizoram Legislative Assembly Budget Session neih tur chu March 13, 2024 thleng awh tura ruahman a ni. Mizoram Legislative Assembly 9-na Budget Session hmasa ber hi tun thla ni 19 khian neih tan tura ruahman niin thutkhawm tan ni-ah Governor in House-ah thu a sawi anga, Governor thusawi-a lawmthu sawina Motion pulutin hei hi a tukah sawiho tur a ni ang. Kum 2024-2025 atana Mizoram Budget leh sawrkar kum kal meka sum indaihlohna phuhrukna tur chu Feb. 27-ah House-ah pharh a ni dawn a, Feb. 29 leh March 4-ah a tlangpui a Budget sawihona neiin March 5 atangin Minister hrang hrangte Demand sawiho a ni bawk ang.

Comments

Popular News (Last 30 Days)