Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

CM pahnih in ramri sawidun

Guwahati-a cham mek Chief Minister Lalduhoma chu nimin zing khan Assam Chief Minister Himanta Biswa Sarma chuan Guwahati-a a chenna in-ah tukthuan buatsaih sakin State pahnih ramri chungchang an sawidun a. Chief Minister pahnih te hian chinfel tuma theihtawpa hmalak dun relin Assam State Assembly thutkhawm lai a nih avangin an thutkhawm zawh hun remchang hmasa ah ramri Incharge Minister chi Mizorama a rawn tirh tur thu Assam Chief Minister hian Mizoram Chief Minister hi a hrilh a. Ramri chungchanga State pahnihte an inbiak chhung chuan a tu ve ve pawhin ramri-ah buaina siam loh ni se an ti bawk.

Comments

Popular News (Last 30 Days)