Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip-ah Road Safety Month hman dan tur rel

Nimin khan Serchhip-ah District Level Road Safety Committee chu SDO (Sadar) Rebecca Laldinmawii Hrahsel hovin a Pisa-ah an thukhawm.
He thutkhawm ah hian February 2024 chhunga rampum-a Road Safety Month hman mek chu tun thla ni 12 khian Serchhip-ah a hawnna hun hman nise an ti a, he hun hman dan tur tlangpui duangin he hunah hian lirthei neitu pawl hrang hrang aiawhte tel tura beisei an ni a, he ni puala Fimkhurna lam hawi thutiam buatsaih chu Chham rual a ni dawn bawk a ni.

Serchhip District-a ‘Road Safety Month 2024’ hman denchhen hian February 12 atanga February 17, 2024 chhung hian ‘Zero Tolerance Week’ hman tura ruahmanna siam a ni bawk a, he Hapta hman chhung hian MVI leh Police inkawp te khawpui chhung hmun hrang hrangah duty in Dan zawm lo te dapchhuah hna thawh a ni anga, Govt. Serchhip College NCC ten an remchan angin an pui dawn bawk a ni.

Comments

Popular News (Last 30 Days)