Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mizo Indigenous Games Competition buatsaih dawn

Tun thla ni 20-22 chhung khian Serchhip-ah Inter Branch YMA District Mizo Indigenous Games Competition chu neih a ni dawn.
Doordarshan leh Mizoram Idigenous Games Association (MIGA) te tangkawp chuan Mizoram District hrang hrangah ‘Inter Branch YMA District Mizo Indigenous Games Competition’ hi neih tumin a hmasa ber atan tun thla ni 20-22 chhung khian Serchhip-a Leisekawt Mual-ah neih tum a ni a, Insuknawr, Inbuan, Insaihruipawh (Pate, Palaihawl, Palian), Inarpathai/Inkepir (Team) leh Hmeichhia te tan Inkawibah (Team)-ah te inelna neih a ni ang.

Heng inelna hrang hrangah hian mimal leh Team-ah te lawmman buatsaih a ni dawn a, District hrang hranga intihsiakna a tithate hian Aizawl-ah inelna an nei leh dawn bawk a ni.

Comments

Popular News (Last 30 Days)