Saitual-ah RGSY chungchanga thutkhawm nei

Nimin khan Saitual DC Conference Room-ah Ministry of Panchayat hnuaia Village Council te tha tihchakna tur leh hmasawnna ruhrel dinna tur Scheme, Rashtriya Gram Swaraj Abhiyan (RGSA) chungchanga thutkhawm chu an Chairman leh District Bawrhsap Dr. Lalngura Tlau hovin neih a ni a. RGSA hnuaiah hian VC te chu sawrkar-ah innghat tawp mai lova anmahni a intodelhna hmanrua an neih theih nana hmalakpui te, Self-Help Group (SHG) te tha tihchak te a huam vek thu Bawrhsap chuan sawiin, India sawrkar in UN Sustainable Development Goal 17 te ti hlawhtling tura a beih mekna kawngah hmanrua pawimawh tak a ni, a ti a. RGSA Scheme atangin VC House 16 sak a nih tawh thu leh Computer Set chu VC 25-ah sem tawh a nih thu bakah Common Service Center chu Ngopa-ah din a nih tawh thu te a tarlang bawk.