RASTRAM in Meihawl tui an zuarchhuak tan

Serchhip-a Society pakhat, Ramlai Society for Traditional Medicine (RASTRAM) chuan an Society Member te siam Meihawl tui fir chu tunhnaiah mipui lei theihin an hralhchhuak tan ta.
RASTRAM hruaitute hnen atanga thu kan dawn danin Meihawl tui an siam hi 250ml bur khat Rs. 70/- man niin a tui fir, tui pawlh loh a ni a, a hmangtu tur ten an hman dan tur a zira tui an pawlh belh theih tur a ni a. Kawng hrang hrangah hmanna a awm thu leh damdawi chi hrang hrang ah pawh hman theih a ni tih sawiin, Serchhip-ah dawr thenkhat ah zawrhchhuah a nih thu an sawi a ni.

RASTRAM Serchhip te hian kuthna-thawktute dinchhuahna tur kawng hrang hrang dapin hma an la mek tih an sawi bawk a, Meihawl tui an siam bakah hian an Society hian Kawnpui (Kolasib District)-ah TI Project (Drop in Centre) an kalpui mek bawk a ni.