Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

PwD Quota-a tling thar te lawmpuina hun hmang

Commissioner for Persons with Disabilities (PwD) buatsaihin nimin khan Aizawl Press Club-ah Mizoram Combined Competitive Examination-a PwD Quota-a tlingte lawmpuina hun chu PwD Commissioner Vanlaldiki Sailo hovin hman a ni.

He hun hman ah hian PwD Commissioner chuan Person with Disabilities quota a tling thar te a lawmpui thu sawiin, harsatna tam tak kara hlawhtlinna sang tak an hmu chu chhuanawm a tih thu a sawi a, midang tam tak, rualban lohna neite pawn heng dinhmun an luah thei tih hre thar tura a duh thu a sawi a ni. PwD Commissioner chuan Mizoram sawrkar in hna a lak reng rengin 4% aia tlem lo reservation a dah thin thu sawiin, sawkar hnuaiah mi thahnem takin PwD quoto in sawrkar hna an hmuh tawh thu a sawi a, Group A, B, C leh D thlengin mi 90 aia tam an luh tawh thu a sawi a ni.

Nimin-a he hun hman ah hian Person with Disabilities quota a tling mi 3- Lalremtluanga (MF&AS), Lalngaihawmi (MCS) leh N. Vahneichhi (MIS) te chawimawina hun hman a ni a, an pathum hian lawmpuina thuziak hlan an ni.

Comments

Popular News (Last 30 Days)