END in hmun 2-ah Heroin man

Serchhip-a Excise & Narcotics Department chuan nimin leh nizan hmasa khan Heroin thahnem tak an man.
Excise & Narcotics Department te hian nizan hmasa khan Serchhip Chan-mari Vengthar-ah Heroin Hawng thum (3), gram 41.67 a rit chu manin hemi kaihhnawih ah hian Lalhlimpuia (29), Serchhip Saron Veng nia insawi pawh man nghal a ni a, thubuai siam sak nghal a ni.

Excise & Narcotics Department te hian nimin chhun dar 12:00 vel khan Thenzawl atanga Buarpui panna kawngah Heroin hawng 9 lai an man leh bawk a, hemi kaihhnawih ah hian H. Vanlalvenhima (25), Hermon Veng, Thenzawl nia insawi leh Lalnunsangi (30), Zokhawthar nia insawi te pawh man nghal niin thubuai siam sak an ni a, an hnen atanga Heroin an man hi gram 102 a ni bawk.