Dan lova ramsa tawlh man

Champhai Forest Division leh 42nd Assam Rifles te chuan nizan hmasa khan dan lova tawlh ramsa thahnem tak an man a, heng ramsa an man te hi Solomon Cockatoo 10, Posque's Parrot 2, Sumsi 9, Rul 10, Laiking 16 leh Marmoset Monkey 2 a ni. Thudawn danin heng ramsa te hi nizan hmasa dar 10:00 vel khan Champhai Veng-sang-a Chehrepkawn-ah Siaha District-a Tuipang khaw mi nia insawi Vachonia leh Vanlalthlana Zemabawk Aizawl ni-a insawite hnen atangin man a ni a, an pahnih hian thubuai siam sakin Lung In-ah khung nghal an ni.