Civil Service te theihna tak tak sawrkar in haichhuah a tum tih Chief Minister in a sawi

Chief Minister Lalduhoma'n Mizoram Civil Service Association hruaitute kawmin, sawrkarin an theihna tak tak haichhuah a tum thu a sawi a, sawrkar policy a hlawhtlin theih nan a tul hun apiangah laklawh nei lo a thawk turin a chah.

Mizoram Civil Service Association hruaitute hian Inrinni khan Chief Minister Lalduhoma hi a Pisa-ah hmuin an inkawm a, Sawrkar policy hrang hrang an sawiho hnuah Chief Minister chuan MCS te chu a bul thut, Block, Sub-Division leh District-ah te tawnhriat nei an nih avangin mipuite hamthatna tur Policy hlawhtlin theih lohna leh hmalak ngai lai an sawi te chu bengvarthlak a tih thu a sawi a, MCS te theihna sawrkarin haichhuah a tum thu te hrilhin, Sawrkar policy tuipui turin a chah a, Policy hlawhtlin theih nan a tul hun apianga laklawh nei lo tura chahin, Mipui Policy chu thawktute puihna azarah a hlawhtling ngei a ring tih a sawi bawk.

MSCA te hian Chief Minister's Relief Fund atan cheng nuai khat an hlan nghal a, Chief Minister chuan MCS website, tunhnaia an thuam thar chu a tlangzarh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar