Special Package pe dawn

Mizoram sawrkar-a Health Minister Lalrinpuii chuan niminpiah khan Union Health Minister Mansukh Mandavya chu kawmin Zoram Medical College (ZMC) in hma a sawn zel dan turte a thlen a. Central sawrkar chu theihtawp chhuahpui tura ngenin, Sawrkar tana a hautak lutuk dawn chuan Central sawrkar kuta hlan mai tha ni-a an hriat thu a thlen bawk. Union Health Minister chuan Mizoram sawrkar chu tha taka thawhpuia theihtawpa tanpui a inhuam thu sawiin, State sawrkarin an kalpui chhunzawm theih nan a bik taka puihna 'Special package' pek an nih tur thu in a chhang a. Health Minister hian Chief Minister Lalduhoma rawn nghalin, Special Package chu Project te siama bawhzui tum a ni.

Health Minister hian NITI Aayog Member Dr. Vinod K. Paul hmu nghalin Mizoram Health Sector leh Tourism bakah Resource mobilization leh kawng dang hrang hranga hmasawnna an neih theih dan tur an sawidun a. Mizoram sawrkar hotute leh NITI Aayog member te'n hemi chungchang hi a bik taka meeting nei thuai turin an inthlah a ni.