Serchhip I&PR leh MJA in inhlantharna an nei

Serchhip-a District Information & Public Relation Officer leh I&PR-a Deputy Director Lalnunmawii chuan Serchhip District-a MJA Member te chu nimin khan a Pisa-a leng-ah sawmin Kumthar atana Inhlanna an nei.
Serchhip DIPRO Pisa-a he hun hman ah hian DIPRO Lalnunmawii chuan MJA Member te chu Kumthar Chibai bukin, Mizoram-ah sawrkar thar piangin Serchhip chu CM Bial a nih bakah kan District-a Assembly Bial dang ah te pawh Cabinet Minister te an awm avangin thuthar thehdarhtute tan thuthar puanzarna kawngah hnathawh tur tam zawk a awm dawn nia a lan thu a sawi a. Chumi atan chuan thuthar thehdarhtute chu nasa lehzuala tan la turin a chah a. Sawrkar atanga Advertisement tihchhuah tur awm ang ang te pawh a rualkhai thei ang bera kalpui chhoh zel tum anih thu leh chutihrual chuan, thawkrim leh taima bik te chu a theih anga duhsak thin an nih thu te pawh a sawi bawk.

He hunah hian MJA Serchhip District President C. Lalhminghlua chuan Hunserh hmangin, I&PR Department leh MJA ten thawhhona tha tak an nei zel chu lawmawm a tih thu a sawi a, MJA Member dang te pawhin an ngaih pawimawh hrang hrang an sawi bawk a ni.