Mat Phai-ah Horticulture CoE for Vegetables din tum

Serchhip leh Thenzawl inkar Zuangleng ram, Mat phai-ah thlai chin lama hmalakna hmunpui tur, Horticulture Centre of Excellence for Vegetable din tum a ni.
Horticulture Centre of Excellence for Vegetables hmun tura ruahman hi December 28, 2023 khan Horticulture Minister Prof. Lalnilawma chuan a hmunah tlawhin Serchhip-a Horticulture Department hotu ten an lo dawngsawng a, Minister chuan helai hmun hi a hmunhma te a felfaiin a rem a, hmunhma sawngbawl chiam lova hma lak mai theih nia a hriat thu a sawi a. Thil tul hmasa te enin, Centre chhunga inkalpawhna kawng leh ram hung dan turte, ni zung chakna hmanga tui hipchhuah dan turte pawh hmalak theih nia a rin thu sawiin, hmalak a phur awm a tih thu a sawi a. He hmun atang hian thlai tiak hrisel tha kut hnathawktute chin tur kuitiah bakah kuthnathawktute leh zirlaite training na hmun turte siam tum a ni a, tangkai taka hman tum a nih thu sawrkar thuchhuah chuan a tarlang bawk a ni.


Horticulture Minister hian Zawlpui phai a thlai chingtute an huan-ah a tlawh nghal bawk a, kuthnathawktuten an hnathawh dan leh an mamawhte lo thlenin inkawm hona hun an hmang a. Mat phai-a Zawlpui atang hian Mizoram thlai tharchhuah zahve vel lai an tharchhuak thin a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar