Fair Price Shop Dealer/Retailer te hriattir

FCS&CA Department hnuaia Fair Price Shop Dealer/Retailer zawng zawngte chu thla tluan-a an dawr hawng ngei tur a hriattir an ni.

Hemi chungchanga Food Civil Supply & Consumer Affairs (FCS&CA) Director in Office Order a tihchhuah a tarlan a nih danin, Office atanga hriattirna leh chanchinbu kaltlang a mipuite hnen a hriattirna chhuah thin tawh angin, Retailer zawng zawngte chu thla tluan-a an dawr hawng ngei tur a hriattir an ni a. Hei hi mipuiten sum leh pai-a harsatna an neih pawh a huntiam (Thla khat) chhunga an quota an lak theihna tura ruahman a ni.

Fair Price Shop (Retailer) te hian Sunday tiam lovin zing dar 6:30 - 8:30 leh tlai lam dar 3:30-5:30 inkar an inhawng ngei ngei tur a ni a, hei hi chhun-a ei bar zawnga kal chhuah ngai te pawhin an eizawnna bahlah lova an chhungkaw ration an lak hman ngei theihnana ruahman a ni a. DCSO te chu an hnuaia retailer te lo vilin, retailer thupek zawm lo te chu Show Cause Notice pek a, a tul anga hma lak zui tur a ni.