Chief Minister-in Luangmual Hmunulh Veng tlawhin khawtlang in an mamawh hrang hrang an lo thlen

Chief Minister Lalduhoma chuan Luangmual Hmunulh Veng chu nimin khan tlawhin khawtlang in chawimawina an lo hlan a ni.

Chief Minister hian amah chawimawina hun an hman ah hian Hmunulh Veng hmunhma chu ramngaw chhah tak a nih lai atanga a lo hriat tawh thu a sawi a. Industrial Centre chhunga awm a nih avangin chhungkaw tam tak an lut zel dawn nia a hriat thu sawiin, khawtlang in an mamawh an lo dil mai ni lo, thil dang pawh an la mamawh dawn tih a hriat thu a sawi a. “Tun maiah erawh chuan hma kan la nghal mai thei rih lova, kalphung thar budget te kan han siam ang a, chutichung pawhin kum khat chhung vel hi chu insawhngheh nan kan la mamawh cheu dawn a ni. Dawhthei takin min lo nghak ula, in dil te hi kan ngaihtuah dawn nia,” a ti a. Industry hmunpui a nih avangin he Centre zar hi nasa takin an zo chho dawn niin a sawi bawk.

Luangmual Hmunulh Veng-ah hian chhungkaw 70 vel an cheng mek a, Chief Minister hnenah hian Tui Connection te, Zirna In te leh Health Sub-Centre te an dil a. Anganwadi an neih mek pawh khawtlang din a nih thu an hrilh a ni. Nimin-a Chief Minister an chawimawina hun hi T. Vanlalkunga chuan a kaihruai a, hun chep tak kara Chief Ministerin a tlawh avangin lawmthu a sawi a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar