Serchhip-ah Viksit Bharat Sankalp Yatra sawiho

Zonuna Kawlni /

Nimin khan Serchhip District Bawrhsap David Lalthantluanga hovin a Pisa-ah Serchhip District-a Viksit Bharat Sankalp Yatra kalpui dan tur sawiho a ni.
 He thutkhawm ah hian District Bawrhsap chuan sawrkar laipui atanga ruahmanna siam thar, Viksit Bharat Sankalp Yatra chungchang sawifiahin, Viksit Bharat Sankalp Yatra chu sawrkar laipuiin Scheme hrang hrang a duante mipuiin zau zawka an lo hriat theih nana Awareness Campaign a nih thu thu a sawi a. Nov. 15, 2023 khan Prime Minister in hawngin, State Level-ah December 14, 2023 atanga kalpui tura ruahmanna siam lailawk a nih thu leh District-ah pawh a remchan anga inbuatsaih a tul thu a sawi bawk.

Nimin-a thutkhawm ah hian Addl. DC Lalnundika, DRDO Project Director HD. Lal-pekmawia, SDO (Sadar) Rebecca Laldinmawii Hrahsel, Settlement Officer Gaston Vanlalhriat-puia leh Election Officer Lalrinsanga Hnamte te telin District Level Committee siam nghal a ni a. Tun thla ni 12-ah a hmasa ber atan thutkhawm neih nghal tura ruahman niin he Outreach Programme a hmalakna tur, IEC Van-in District chhung khaw tin a tlawh kual dan tur ruahmanna pawh siam nghal a ni. 

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »