Hlawh pechhuak turin ti

Chief Minister thar Lalduhoma chuan nimin khan a Department enkawl Finance Department leh Planning & Programme Implementation Department hotute chu a pisa-ah meeting a neihpui a. Chief Minister duh danin sawrkar hnathawk ten November thla hlawh nimin thlenga an la lak loh chu pekchhuah nghal tura ruahman a ni a, Healthcare bill tang pek tur cheng vbc. 40 leh Thlai thar leina, sawrkar policy in a huam thlai palite leina tur cheng vbc. 110 an ruahman nghal bawk. Kum tina Zirlai naupang Scholarship pekchhuah hun tlai thin pawh kum thar atang chuan a hun taka pekchhuah theih dan dap turin a hrilh a. Budget thar ruahman tan a hun tawh avangin Budget an buatsaihnaah sawrkar sum dinhmun dik tak, a nihna ang taka dah chhuak turin a chah bawk.

He hunah hian Vanlal Chhuanga, IA&AS, Principal Secretary chuan Finance Department hnathawh dan leh Lalmalsawma Pachuau, IRS, Secretary in Planning & Programme Implementation Department hmalak dan te an sawifiah bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni