Serchhip District-a inthlanna a duty tur mi 295 ten Postal Ballot in Vote an thlak tawh

Mizoram Assembly Inthlanpui neih tura Serchhip District chhunga Polling Party a tel mi 295 te chuan nimin thleng khan Postal Ballot hmangin Vote an thlak tawh a, Vawiin atang hian Facilitation Centre siamin Postal Ballot hmang hian Vote hi thlak theih a ni bawk ang.

Serchhip District chhung Assembly Bial pathum-a Presiding Officer (PRO) leh Asst. Presiding Officer (APRO) te chuan niminpiah khan Training tum hnihna neiin hetah hian heng mite tan hian Postal Ballot hmanga Vote thlakna hun hawn nghal a ni a, hetah hian mi 133 te Vote thlakin heng mite hi 26-Serchhip (ST) AC-ah mi 74, 27-Tuikum (ST) AC-ah mi 30 leh 28-Hrangturzo (ST) AC-ah mi 29 te an ni. Nimin khan Govt. Serchhip College-ah Inthlanpui a Polling Official turte tan Training hi neih leh niin heng mite tan hian Vote thlakna hun hi hawn leh a ni a, nimin khan mi 162 ten Postal Ballot hmanga Vote thlak lehin nimin-a Vote thlaktute hi 26-Serchhip (ST) AC-ah mi 84, 27-Tuikum (ST) AC-ah mi 32 leh 28-Hrangturzo (ST) AC-ah mi 46 te an ni.

Heti hian nimin thleng khan Serchhip District chhunga Assembly Bial pathum-a Inthlanpui a Duty tur mi 295 te chuan Postal Ballot hmangin Vote an thlak tawh a. Heng te hi 26-Serchhip (ST) AC-ah mi 158, 27-Tuikum (ST) AC-ah mi 62 leh 28-Hrangturzo (ST) AC-ah mi 75 te an ni a. Heng bakah hian kum 80 chunglam leh rualbanlo te tana In lama Vote thlak theihna hunah mi 168 ten vote an thlak tawh bawk a, heti hian Serchhip District pumah tun thlengin Postal Ballot hmangin mi 463 ten Vote hi an thlak tawh a ni.

Hetihlai hian Serchhip District Election Officer David Lalthantluanga chuan Serchhip District chhunga Election Duty tura ruat, Form 12 hmanga Postal ballot-a vote thlak dilna thehlutte tan Postal ballot hmanga vote thlakna hmun Facilitation Centre siam a nih dawn thu thuchhuah siamin a tarlang a. Hemi ang hian Nov. 1, 2 leh 3-ah te Serchhip DC’s Conference Hall-ah Facilitation Centre hi siamin zing dar 9:00 atanga tlai dar 5:00 thlengin Postal ballot hmang hian Vote thlak theih a nih dawn thu a tarlang a. Nov. 1-ah Serchhip District chhung Assembly Bial pathum-a duty turte tan Vote hi thlak theih niin Nov. 3 leh 4-ah te Serchhip District chhunga mite bakah District dang tan pawh thlak theih a ni dawn a ni. Hemi hun chhung hian Serchhip District chhunga Election Duty tura ruat Postal Ballot hmanga vote thlak diltu zawng zawng ten vote thlak vek tur a ni a, Political party tin ten Facilitation Centre-ah hian an Party aiawh mi pakhat tal tirh tur a nih thu a tarlang bawk.

Comments

Popular News (Last 30 Days)

Vawiin-ah HSSLC Exam result