Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip ABC inkhawmpui tiak

Zirtawpni kalta zan atanga Serchhip Area Baptist Council (ABC) Inkhawmpui vawi 27-na neih chu nizan khan a tiak ta.
Mizoram hmundang te rualin Serchhip Area Baptist Council (ABC) Inkhawmpui hi Zirtawpni zan atang khan New Serchhip Bial-a BCM Biak In, New Serchhip ah neih a ni a, nimin Pathianni chawhma Inkhawm ah Upa Ordination Service neih niin Kohhran Upa thlanthar 5 te chu Serchhip Bialtu Pastor Rev. Laltanpuia Colney chuan a nemnghet a, nimin chawhnu Inkhawm ah Lalpa zanriah Sakramen kilho a ni bawk.

Serchhip ABC huamchhung ah hian Pastor Bial 5- Serchhip Bial, New Serchhip Bial, Bungtlang Bial, Pangzawl Bial leh North Van-laiphai Bial te an awm a, Tualchhung Kohhran 20 awmin Kohhran Upa 103 an awm mek a, nakum (2024)-a Serchhip ABC Inkhawmpui chu BCM Khuanghlum Kohhran, Pangzawl Bial-ah neih a ni ve thung dawn a ni.

Baptist Church of Mizoram (BCM) hnuaia ABC Inkhawmpui hi ABC 17-ah neih niin tun dinhmunah BCM hnuaiah hian Pastor Bial 92 awmin, Area Baptist Council (ABC) 17 a awm mek a. Tualchhung Kohhran 680-ah Member 176,404 awm mekin nimin khan Upa 206 nemngheh an ni.

Comments

Popular News (Last 30 Days)